أولاد عليوة الخطاط :خمسة إخوة خطاطين خريجى مدرسة الخطوط العربية الملحقة بمدرسة شبرا البلد .
ملقبين بمخترعين يفط البرونز لابتكارهم فكرة البرونز على اللافتات ، شعارهم(إحنا اللى ملينا الحيطان من إسكندرية لأسوان).
كما شاركوا ببعض المعارض والملتقيات والأحداث الفنية مثل حدث حبراير وحدث الخط .
بدايه فكرة اختراع يفط البرونز جت من هنا
٢٠١٣/٤/١ التاريخ ده بالنسبه لنا احتفال بعيد ميلاد🎂
الاثنين ١ أبريل ٢٠١٣ ميلادي
٢٠ جمادي الأول ١٤٣٤هجري
الحمد لله 🤲كله فضل وتوفيق من ربنا مش شطاره مننا🤲
كنا إحنا الأربعه بنكتب يفط لمصنع ملابس وشغالين على سور كبير فبنبص لقينا (هادر التِرتِر) أو اللمْعة مرمي في الزبالة
مالوش لازمه ولا ليه استخدام فجبناه من على الأرض وحطيناه جوه العلبة اللمْعة راحت جينا بعديها قعدنا نبخ يتحط شوية على الحرف والباقي كله يقع جبنه مشمع فرشناه على الأرض علشان اللي يقع ينزل عليه بعدين عملنا طريقة حط البرونز بكف الإيد على الحرف من فوق وأنت نازل، بعدين لقينا إن فكره المشمع اللي على الارض لما البرونز بيقع بينزل ألوان عليه اللمعة بتطفي فعملنا كرتونة صغيرة حطينا فيها البرونز ولما نيجي نحط على الحرف البرونز ينزل في الكرتونة
-خلينا الحاجة اللي كانت بتترمي في الزبالة اللي ما لهاش سعر ولا ليها فايدة دلوقتي ليها سعر و فايدة .
- عملنا من الفسيخ شربات الأول كان في ناس بتقول لنا تعالوا
ده مرمي وهادر ملوش استخدام إنتو بتستخدموه في شغلكم دلوقتي ما بقاش بيترمي بقى بيتباع في أكياس الحمد لله الفكرة رجعت( الخطاط اليدوي) من أول وجديد كان البنر بس هو اللي شغال .
- (بفضل ربنا ) لما عملنا الفكرة دي إعلانات الحوائط رجعت تاني؛ ده غير إن إعلانات الحوائط كانت الأول أكاسيد خليناها بالبلاستيك والبرونز خلينا اليافطه فيها مليون اختراع
(الحمد لله على كرم ربنا وفضل ربنا
وتوفيق ربنا ونعم ربنا علينا).
-من باب العلم أنا عايز اقول حاجة البرونز اللي كان بيتباع زمان في المكتبة وعند الموان كان بيترش على بيبان الشقق وعمره ما كان يدي نفس اللمعة اللي إحنا اخترعناها
كنا إحنا وغيرنا بنحطه زمان على واجهات المحلات ما كانش بيتعمل في الشارع كنا كمان بنعمل بلاستيك وغيرنا لحد امبارح بيعمل اكاسيد إنما اللي شغالين بيه حاليا
-بنكتب ( مخترعين يفط البرونز )حاجه تانية مختلفة عن البرونز بتاع المكتبات إنما اللي إحنا بنشتغل بيه دلوقتي( كسر ترتر ) أو( هادر ترتر)كان بيترمي في الزبالة ما كانش ليه لازمة بفضل ربنا خلينا ليه لازمة
أولاد عليوة الخطاط مخترعين يفط البرونز
شعارنا (إحنا اللي ملينا الحيطان من إسكندرية لأسوان)
https://www.facebook.com/share/p/kqHfrqogvvWGHqsr/?mibextid=oFDknk
